Saturday, May 23, 2009

ஏர்டெல் சூப்பர் சிங்கர் ஒரு வழியாய், முடிவுக்கு வந்துவிட்டது என்று பார்த்தால், இழுக்க இழுக்க இன்பம் என்று நினைத்து விட்டார்கள். ப்ரி-பைனல், போஸ்ட்-பைனல் என்று 2009 முடிவுக்கு வந்து விடும் போலிருக்கிறது. sponsers நிறைய கிடைக்க பாட்டை விட பைத்தியகாரத்தனங்கள் அதிகரித்துவிட்டது.

சென்னையிலிருந்து வரும் பொழுது, Brussels Airport ல் கர்நாடக இசை பாடகர் T M கிருஷ்ணாவுடன் சில நிமிடம் பேச சந்தர்ப்பம் கிடைத்தது. என் பக்கத்தில் அவர் நின்றிந்தாலும், என்னால் சட்டென்று அடையாளம் காண முடியவில்லை. கச்சேரியில் இருப்பதற்கு நேர் மாறாய், ஜீன்ஸ், கோட், Laptop சகிதம், படு Casual ஆய் Advertising Model போல் ஜம் என்று இருந்தார். நல்ல திறமைசாலி. குறிப்பாய் ராக ஆலாபனைகளில் அவரது திறமையை பல கச்சேரிகளில் கேட்டிருக்கிறேன். திறமையை விட புத்திசாலிதனமும், Self Marketing Skills தான் ஒருவனை முன்னே கொண்டு செல்லுகிறது. நம்மை நாம் எவ்வாறு Marketing பண்ணிக்கொள்கிறோம் என்பதில் இருக்கிறது சூட்சுமம். நாம் நம்மை பற்றி நன்றாய் சொல்ல, பின் நம்மை, இவன் நல்லவன், வல்லவன் என்று பிறர் தொடருவார்கள். இதில் இளைய தலைமுறை கர்நாடக இசை கலைஞர்கள் பெரும்பாலோர் சமர்த்தர்கள். நடை, உடை பாவனையில் இருந்து வேண்டிய பொழுது Top to Bottom எல்லா வகையிலும் சுய விளம்பரம் சார்ந்து, காரியங்களை தங்களை மையப்படுத்திக்கொள்வதில் முடித்துக் கொள்ள அவர்களால் சுலபமாய் முடிகிறது.

ஏர்டெல்கு வருவோம். அதில் பாடும் பிரசன்னாவிற்க்கு, அவரது பாடும் திறமை போல் பல மடங்கு தன்னை விளம்பரபடுத்திக் கொள்ளும் திறமை இருக்கிறது. சரக்கு கம்மி என்னும் விஷயம் கிடைக்கும் விளம்பரத்தில் அடிபட்டு போகும். அமைதியாய், அடக்கமாய் கஷ்டமான பாட்டை எடுத்து, நெளிவு, சுளிவான சங்கதிகளை பிரமாதமாய் போட்டு, அபாரமாய் பாடும் ரவியின் திறமையை நாலு பேர் மட்டுமே அறிவர்.

இரண்டு விஷயங்களை எழுத நினைத்து எழுதுகிறேன். முதலாவது, நண்பர்கள் சிலர் அமர்த்தா TV Links (Provided few links below) சிலவற்றை அனுப்பி பட்டையை கிளப்பும் பொடுசுகள் முன்னால் AirTel Super Singer ல் பாடுபவர்கள் எம்மாத்திரம் என்றிருந்தார்கள். இரண்டாவது, நெட்டில் பார்த்த, படித்த பலதிலும், பலர் AirTel Super Singer இல் பங்கு பெறும் பலர் பேசும் பிராமண பேச்சை கீழ்தரமாய் சாடியிருப்பது. தங்கள் பிழைப்பிற்க்காய் திராவிக கட்சிகள் செய்த பல வேலைகளில் பல நல்ல விஷயங்கள் ஏறி மிதிக்கப்பட்டு அவை ஒரு குறிப்பிட்ட கும்பல் சார்ந்த ஆளுமைக்கு உட்பட்டுவிட்டது. கேரளாவில், இசை என்பது பொதுச்சொத்து.

நம் வீட்டில் திறமையை வளர்த்த வழியில்லை. எல்லா அடுத்தவர்களையும், ஆஹா, ஓஹோ என்று கூப்பிட்டு வளர்த்துவீர்கள். வந்தாரை வாழ வைக்கும் தமிழகம் என்று மேடைதோறும் மார் தட்டுவீர்கள். அவர்கள் திறமையால் அவர்கள் வளர்ந்தபின், ரஜினி கன்னடம், SPB தெலுங்கன், ஜேசுதாஸ் கேரளாக்காரன் என்று கண் முன்னே நிற்கும் இளையராஜாவை விட்டு விட்டு புறம் சொல்லி தூற்றுவீர்கள். ஸட்ஜம், பஞ்சமம் இல்லாமல் ஏதையா சங்கீதம்? வடமொழி பெயர்கள் பிடிக்கவில்லை என்றால், குரல் (ச), துத்தம் (ரி), கைக்கிளை (க), உழை (ம), இளி (ப), விரளி (த), தாரம் (நி) என்று தமிழில் பெயர் சொல்லி இசை வளருங்கள். பிறகு பாருங்கள், உங்கள் வீட்டு குயில்களும் எப்படி பாடும் என்பதை.

Few suprising sampls are below...Watch this videos... more posted in YouTube
http://www.youtube.com/watch?v=VES73uNzWJE&feature=PlayList&p=92DFD3CD746EDAB7&playnext=1&playnext_from=PL&index=6
http://www.youtube.com/watch?v=V0YXE1BAXDo&feature=channel
http://www.youtube.com/watch?v=VrulmmMdajQ&feature=channel
http://www.youtube.com/watch?v=lQdk0CK9vW4&feature=channel
http://www.youtube.com/watch?v=4MKvY0Q8NaE
http://www.youtube.com/watch?v=VrulmmMdajQ&NR=1
http://www.youtube.com/watch?v=iX0U9PFRJ8Y&feature=related
http://www.youtube.com/watch?v=VES73uNzWJE&feature=PlayList&p=92DFD3CD746EDAB7&playnext=1&playnext_from=PL&index=6
http://www.youtube.com/watch?v=V0YXE1BAXDo&feature=channel
http://www.youtube.com/watch?v=VrulmmMdajQ&feature=channel
http://www.youtube.com/watch?v=lQdk0CK9vW4&feature=channel
http://www.youtube.com/watch?v=4MKvY0Q8NaE
http://www.youtube.com/watch?v=VrulmmMdajQ&NR=1
http://www.youtube.com/watch?v=iX0U9PFRJ8Y&feature=related

1 comment:

Bhoopal said...

Superaaa Singer has many politics...

Same round with different style and dress...

It is a good entertainment but not a good competetion...(As I am like music director, I am telling my comments) I am minus ZERO in music...